XARDÍN ABERTO A TODOS; PECHADO A MOITOS. O meu pequeno mundo non é público, é un espazo privado aberto en público. Ninguén che manda leelo; ninguén cho prohibe. AVISADO VAS.

venres, 4 de marzo de 2022

Esa palabra que nos falta


.....

nas tagheas a onde van os refugallos

busquei esa palabra que nos falta

no faiado, nos pazos, nos sobrados

mergullei nas sombras das feridas

nas ruinas das casas deslombadas

nos campos polo lume combatidos

no sorriso de mamá que foi borrado

busquei esa palabra que nos falta

na mentira repetida a todas horas

no razonado balbordo incomprensible

dos que falan sabendo que non saben

busquei esa palabra que nos falta

Para saber que vivo e que respiro

A cada hora, cada canto, cada día

Z umegan meus ollos o teu pranto

buscando esa palabra que nos falta

.....


Agora máis ca nunca, coma sempre

PAZ  E  PALABRAS



O Movemento Vitalista das Terras do Mundo lamenta que, coa velocidade dun misil, a realidade lle dea a razón cos crús razoamentos das sintaxes gomitadas polas bocanas dos canóns.



Contra os Macronacionalismos Imperialistas.



Non hai máis Nación que a Humana, nen outra Patria ca o Universo.



Por unha Constitución Mundial Única



Hoxe moito máis necesariamente  diáfana ca nunca.





Pra chegar, hai que empezar a andar



Pensa por ti: apaga a tele. 

Apertiñas miña xente.


6 comentarios:

  1. Que os bós desexos sexan quen de vencer ás guerras...

    ResponderEliminar
    Respostas
    1. Hai que empezar a andar. Unha Constitución Universal non é unha utopía: é unha necesidade.Unha forte aperta.

      Eliminar
  2. Emocionante chorei lágrimas invisibles,coma puños

    ResponderEliminar
    Respostas
    1. Meu amigo, meu poeta, quen me dera ter o pano que enxugara esas túas bágoas. Saúdame a toda á xente de Barna. Vémonos nos vieiros.

      Eliminar
  3. Excelente canto poético para unha única nación humana de paz. Que algún día esa esperanza encha a todos e,sobre todo, o corazón atormentado dos que sofren e padecen inxusticias. Hoxe por hoxe estamos lonxe...empecemos a camiñar, meu amigo, como ben dís...

    ResponderEliminar
  4. Estamos lonxe meu amigo, pero non estamos sós: xa somos moitos seguro que somos maioría, pero aínda non o sabemos. Agradecido. Saúdos cordiais.

    ResponderEliminar