... neste mencer
miña felepa, vai con ela
vaite indo onda ela
onda ela vaia, voa
voa a onda ela estea...
... no brancor das túas azas
aos seus soños dalles niño
técelle na noite estrelas
con risos os fíos, con luz os vimbios
dese berce, daquela cuna
onde abanean seus ollos...
... onde ela durma, voa
miña felepa, onde ela vaia
vai
vai con ela
(ti sabes quen é a miña felepa, eu sei quen é a túa snow)
...pra ti, que ben sabes o que sei,
pouca cousa, casi nada...
... neste mencer
miña felepa, vai con ela
voa onda ela estea
vaite indo onda ela,
onda ela vaia, voa...
...co brancor das túas azas
aos seus soños dalles niño
técelle na noite estrelas,
con risos os fíos, con luz os vimbios
dese berce, daquela cuna
onde abanean seus ollos...
...onda ela durma, voa
miña felepa, onde ela vaia,
vai,
vai con ela...
Miña ben querida xente, sede bós que guapas xa sodes
A mandare.
PAZ E PALABRAS
(A proba do 9 de que non teño idea de fotografía foi querer rexistrar a esta pequena garciña branca cun macro de 90 mm... a distancia de 90 metros...ou algo un algo menos)
